kabhi..

kabhi kisi jharnay ka sotra hun,
toh kabhi kisi pahad par pracheen mandir.
    kabhi bachpan ki chulbuli kilkariyan,
    toh kabhi yovan ki aapar urja.
kabhi honton par saji ek sehas muskaan,
toh kabhi aaunsuon ki ladiyan hun
    kabhi aankhon ka soonapan,
    toh kabhi hriday mein uthi ek tees hun,
kabhi ann hun
toh kabhi bhookh hun.
   kabhi aakash mein udaane bharta hun,
   toh kabhi paani mein gotay lagata hun.
kabhi bhoomi ki god se janma hun,
toh kabhi vrakshon ki god mein khela hun.
   main kuch bhi nahi parantu sarvatra hun.
        main satya hun ek shashwat satya.